Документ «Баалуу кагаздар рыногу чөйрөсүндөгү Кыргыз Республикасынын айрым мыйзам актыларына өзгөртүүлөрдү киргизүү жөнүндө» Кыргыз Республикасынын 2025-жылдын 26-июнундагы № 126 Мыйзамынын 9-беренесинин 3-пунктунун аткаруу иретинде иштелип чыккан.
Токтомду кабыл алуунун максаты баалуу кагаздар рыногун өнүктүрүүнү стимулдаштыруу, реалдуу экономика секторынын жана калктын финансылык ресурстарды тартуу жана аманаттарды инвестицияга айландыруу боюнча сапаттуу кызматтарга болгон муктаждыктарын канааттандыра алган банктык эмес финансы рыногунун туруктуу жана натыйжалуу иштешин камсыз кылуу болгон.
Токтомдо төмөнкү негизги өзгөртүүлөр каралган:
– облигацияларды чыгаруунун максаттарына чектөөлөрдү белгилөө, анын ичинде мурда алынган кредиттерди жана карыздарды жоюу пайдаланууга тыюу салуу;
– облигациялардын түрлөрүнүн тизмесин кеңейтүү, анын ичинде «жашыл», социалдык облигациялар жана туруктуу өнүгүү облигациялары;
– аталган облигацияларды чыгаруу аркылуу тартылган каражаттар менен каржыланган долбоорлорго критерийлерди жана талаптарды аныктоо;
– Кыргыз Республикасынын аймагында эл аралык каржы уюмдарынын баалуу кагаздарын чыгарууну жана жүгүртүүнү жөнгө салуу;
– эмиссиянын проспектисине карата талаптарды актуалдаштыруу, анын ичинде анын мазмунун тактоо жана ачык жайгаштырууда андеррайтер тарабынан милдеттүү түрдө кол коюу;
– баалуу кагаздарды ачык жайгаштырууну ишке ашырып жаткан же ишке ашырган эмитенттер үчүн ыйгарым укуктуу орган тарабынан сунушталган Корпоративдик башкаруу кодексин сактоо милдетин белгилөө;
– облигацияларды жеке жайгаштырууга талаптарды бекитүү, анын ичинде эмиссия проспектисин түзүү жана жайгаштыруунун жыйынтыктары жөнүндө отчет берүү;
– облигацияларды жеке жайгаштырууда чыгарылышты ишке ашпай калган деп таануунун негиздерин жана мамлекеттик каттоодон өткөргөн учурда чыгарылышты жокко чыгаруу тартибин аныктоо;
– облигацияларды чыгарган эмитенттердин өздүк капиталынын өлчөмүнө карата ченемдик талаптарды белгилөө, анын ичинде өздүк каражаттардын жетиштүүлүк коэффициентин белгилөө.
Жобону кабыл алуу Кыргыз Республикасынын баалуу кагаздар рыногун мындан ары өнүктүрүүгө, инвесторлордун укуктарын коргоо деңгээлин жогорулатууга, экономикага узак мөөнөттүү инвестицияларды тартуу мүмкүнчүлүктөрүн кеңейтүүгө, баалуу кагаздар рыногун жөнгө салуунун эл аралык стандарттарын киргизүүгө жана финансы рыногунун катышуучуларынын ишенимин бекемдөөгө өбөлгө түзөт.
