Урматтуу жарандар!
Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө кызматы Сиздердин көңүлүңүздөрдү мыйзамсыз лотереяларды интернет аркылуу өткөрүү фактыларынын көбөйүп баратканына дагы бир жолу бурат. Мындай лотереяларды алдамчылар уюштурушат. Алар ар кандай интернет платформаларын колдонуу аркылуу мыйзамдардын талаптарына жооп бербеген оюндарга катышууну сунуштап, автомобиль, ири суммадагы акча каражаттарын же баалуу сыйлыктарды утуп алуу мүмкүнчүлүгү менен жарандарды азгырышат.
Мыйзамсыз өткөрүлгөн лотереялардын негизги белгилери:
- Лотереяны өткөрүү уруксаты жок.
- Оюндарга катышуу же сыйлыктарды алуу үчүн акча каражаттарын төгүүнү/которууну талап кылуу.
- Лотереяны өткөрүүнүн эрежелери, утуштарды алуунун шарттары жөнүндө маалыматтардын жоктугу.
- Ири суммадагы акча каражаттарын же баалуу сыйлыктарды берүүнү утуп алуу үчүн эч кандай чыныгы негизсиз убада кылуу.
Эгерде сиз мындай лотереяга туш болсоңуз, алданбоо үчүн эмне кылышыңыз керек:
– Шектүү лотереяны уюштуруучуларга жеке маалыматтарыңызды же акчаңызды бербеңиз.
– Шектүү оюндарга катышуудан баш тартыңыз.
– Түшүндүрмө алуу же арыз менен кайрылуу үчүн ыйгарым укуктуу органга кайрылыңыз.
Өзүңүздү кантип коргой аласыз ?
– Лотереяны уюштуруучулардын тиешелүү лицензиясы бар экендигин текшериңиз.
– Расмий реестрлерге лотереянын катталганын текшериңиз.
– Ишеним жаратпаган сунуштардан этият болуңуз.
Биздин максат – лотереялардагы алдап кетүүлөрдөн жарандарды коргоо жана лотерея иши чөйрөсүндөгү чынчыл жана ачык-айкын ишмердүүлүктү колдоого алуу. Лотереялардын мыйзамдуулугу мыйзамдуулугу боюнча күмөн саноо жаралса тиешелүү кеңештерди алуу үчүн бизге кайрылыңыз.
Маалыматтык байланыштар:
. Телефон: 0312 66 29 85 (Банктык эмес финансылык уюмдарды жөнгө салуу бөлүмү )
. Электрондук почта: fsa@fsa.gov.kg
. Финкөзөмөлдүн расмий сайты: www.fsa.gov.kg
Өзүңүздү сактаңыз жана этият болуңуз!
Учурда төмөндө көрсөтүлгөн мыйзамсыз лотереялардын уюштуруучуларын Кыргыз Республикасынын мыйзамдарына ылайык жоопкерчиликке тартуу боюнча укук коргоо органдары тарабынан тергөө иш-чаралары жүргүзүлүүдө:
– лотерея «Altyn belek»;
– лотерея «MEGA SHANC»;
– лотерея «БАБЛ ТИ БИШКЕК»;
– лотерея «NAKITO КОФЕЙНЯ БИШКЕК»;
– лотерея «MOTOAKS.KG /АКСЕСУАРЫ БИШКЕК»;
– лотерея «enesaicitykg»;
– лотерея «aziya_2026.2»;
– лотерея «kitepkg01»;
