Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө кызматы баалуу кагаздар рыногунун кесипкөй катышуучусунун квалификациялык күбөлүгүн алуу укугуна талапкерлерди квалификациялык аттестациядан өткөрүү күнүн жылдыруу жөнүндө маалымдайт.
Аттестациялык комиссиянын чечими менен кезектеги квалификациялык аттестацияны өткөрүү күнү 2026-жылдын 8-июнунан 2026-жылдын 11-июнуна жылдырылды.
Бул чечим талапкерлерден түшкөн документтердин санынын кескин көбөйгөндүгүнө жана белгиленген талаптарга ылайык аларды ар тараптуу жана сапаттуу кароону камсыз кылуу зарылчылыгына байланыштуу кабыл алынды.
