2026-жылдын 2-июнунда Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө кызматынын төрагасы Улуу Британиянын өкүлдөрү – Улуу Британиянын Тышкы иштер министрлигинин Борбор Азия боюнча санкциялар боюнча аймактык атташеси Дуглас Кларк жана Улуу Британиянын Кыргыз Республикасындагы элчилигинин экинчи катчысы Иссам Норрис-Халани менен жумушчу жолугушуу өткөрдү.

Жолугушууда тараптар санкциялык саясат чөйрөсүндөгү өз ара аракеттенүү маселелерин талкуулап, бул багыттагы эл аралык кызматташтыктын актуалдуу аспектилери боюнча пикир алмашышты. Конструктивдүү диалогду өнүктүрүүгө, маалымат алмашууга жана өз ара кызыкчылык туудурган маселелер боюнча өз ара аракеттенүүнү бекемдөөгө өзгөчө көңүл бурулду.