Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө кызматы Кыргыз Республикасынын Министрлер Кабинетинин 2023-жылдын 12-июлундагы № 352 токтому менен бекитилген «Аудиторлордун, аудитордук уюмдардын жана кесиптик аудитордук бирикмелердин бирдиктүү мамлекеттик реестринде каттоо, кайра каттоо жана Бирдиктүү мамлекеттик реестрди жүргүзүү үчүн жыйымдардын өлчөмдөрү жөнүндө» жобого ылайык төмөнкү жыйымдардын өлчөмдөрү белгиленгендигин эскертет.
Жыйымдардын өлчөмдөрү
1. Аудиторлордун, аудитордук уюмдардын жана кесиптик аудитордук бирикмелердин Бирдиктүү мамлекеттик реестринде каттоо жана кайра каттоо үчүн бир жолку жыйым:
- аудиторлордон — он эсептик көрсөткүч өлчөмүндө;
- аудитордук уюмдардан — жыйырма эсептик көрсөткүч өлчөмүндө;
- ачык кызыкчылыктын субъекттерине аудит жүргүзүүгө уруксат берилген аудитордук уюмдардан — жыйырма эсептик көрсөткүч өлчөмүндө.
2. Бирдиктүү мамлекеттик реестрди жүргүзүү үчүн жыл сайын алынуучу жыйым:
- аудиторлордон — жыйырма эсептик көрсөткүч өлчөмүндө;
- аудитордук уюмдардан — жүз эсептик көрсөткүч өлчөмүндө;
- ачык кызыкчылыктын субъекттерине аудит жүргүзүүгө уруксат берилген аудитордук уюмдардан — беш жүз эсептик көрсөткүч өлчөмүндө.
Бирдиктүү мамлекеттик реестрди жүргүзүү үчүн жылдык жыйым ар жылдын 30-январынан кечиктирбестен төлөнүүгө тийиш.
Жыйымдарды төлөө үчүн реквизиттер
Алуучу: КР МФнын Биринчи Май башкармалыгы
Эсептешүү эсеби: 4402011001000140
Банк: КР МФга караштуу Борбордук казыналык, Бишкек ш.
БИК: 440001
Төлөм коду: 14224900
