Урматтуу бухгалтерлер жана аудиторлор!
Сиздерди Финансы рыногун жөнгө салуу жана көзөмөлдө кызматынын атынан кесиптик майрамыңыздар – Кыргызстан бухгалтерлери жана аудиторлор күнү менен чын жүрөктөн куттуктайбыз!
Бул майрам бухгалтердик кесиптин маанилүүлүгүн жана өлкө экономикасын өнүктүрүүгө кошкон зор салымын таануу максатында Кыргыз Республикасынын Өкмөтүнүн 2005-жылдын 4-мартындагы № 116 токтому менен белгиленген. Ошондон бери жыл сайын ушул күнү биз финансылык туруктуулукту жана мамлекеттик жана жеке уюмдардын ишмердүүлүгүндө ачык-айкындуулукту камсыз кылган адистерди сыймыктануу менен белгилеп келебиз.
Сиздердин ишиңиздер тактыкты, аналитикалык ой жүгүртүүнү жана терең билимди талап кылат. Сиздердин эмгегиңиздердин аркасында финансалык башкаруунун натыйжалуу системасы түзүлүп, ишкердиктин туруктуу өнүгүүсү жана өлкөбүздүн финансылык тутумуна болгон ишеним камсыздалат. Азыркы учурда бухгалтердик эсеп жана аудит тармагын тынымсыз өркүндөтүү талап кылынууда, жана сиздер бул милдеттерди ийгиликтүү аткарып, жаңы технологияларды жана эл аралык стандарттарды ишке киргизип жатасыздар.
Ушул улуу күнү сиздерге чын жүрөктөн ыраазычылык билдиребиз! Кесипкөйлүгүңүздөр, эмгекчилдигиңиздер жана берилгендигиңиздер үчүн терең таазим! Сиздерге бекем ден соолук, бакубатчылык, ишиңиздерде ийгиликтер жана жаңы жетишкендиктерди каалайбыз! Сиздердин түйшүктүү жана баалуу эмгегиңиздер ар дайым жогору баалансын, алдыда дагы көптөгөн кесиптик бийиктиктерди багындырууңуздарга тилектешпиз!
Урматтоо менен жана эң жакшы каалоолор менен, Финансы рыногун жөнгө салуу жана көзөмөлдө кызматынын жамааты.