Кыргыз Республикасынын 2021-жылдын 3-декабрындагы №147 “Аудитордук иш жөнүндө” Мыйзамынын (мындан ары – Мыйзам) талаптарын сактоо максатында, Кыргыз Республикасынын экономика жана коммерция министрлигине караштуу Финансы рыногун жөнгө салуу жана көзөмөлдөө кызматы (мындан ары – Финкөзөмөл) билдирет.
Аудитордук уюмдар, жана ачык кызыкчылыктын субъекттерине, ири ишкердиктин субъекттерине аудит жүргүзүүгө уруксат берилген аудитордук уюмдар ыйгарым укуктуу мамлекеттик орган Бирдиктүү мамлекеттик реестрде каттоо жөнүндө чечим кабыл алган күндөн тартып, Кыргыз Республикасынын жогоруда аталган Мыйзамынын 22-беренесине ылайык иш жүргүзүүгө укук алышат.
Аудитордук уюмду идентификациялоо Бирдиктүү мамлекеттик реестрде каттоодо ыйгарылган жеке каттоо номери (ЖКН) аркылуу жүргүзүлөт.
Аудитордук иш жүргүзүү үчүн мурда берилген лицензияларды колдонууга тыюу салынат. Аудитордук иш жүргүзүүдө лицензияларды пайдалануу, аларды отчеттордо, келишимдерде же башка документтерде эскерүү Кыргыз Республикасынын колдонуудагы мыйзамдарынын талаптарына ылайык келбейт.
Финнкөзөмөл бардык аудитордук уюмдарды мурда берилген лицензиялардын физикалык бланктарын аларды расмий түрдө алып салуу жана эсепке алуу үчүн тапшырууга милдеттендирет.
Жараксыз лицензияларды тапшырбоо Кыргыз Республикасынын аудитордук иш чөйрөсүндөгү мыйзамдарынын талаптарын бузуу катары каралат.
